“İnter”in yeni baş məşqçisi məlum olub

Bölmə: İdman › ,
Tarix: 20:03 09.06.2025

İtaliyanın “İnter” komandasının yeni baş məşqçisi məlum olub.

 

"İnformator.az" bu barədə klubun rəsmi saytına istinadən xəbər verir.

 

Əslən rumın olan Kristian Kivu ilə 30 iyun 2027-ci ilədək müqavilə imzalanıb.

 

O, 2025-ci ilin fevralında İtaliyanın "Parma" klubuna rəhbərlik edib. Onun rəhbərliyi altında komanda 16-cı yeri tutaraq növbəti mövsüm üçün İtaliya çempionatının yüksək divizionunda qeydiyyatını davam etdirməyi bacarıb. Rumıniyalı buna qədər “İnter”in müxtəlif yaş qruplarından ibarət komandalarında çalışıb.

 

Kivu futbolçu kimi 2007-2014-cü illərdə "İnter"də çıxış edib. Komanda ilə birlikdə 3 dəfə İtaliya çempionu olub, 2 dəfə ölkə kubokunu və superkubokunu qazanıb, bir dəfə Çempionlar Liqasının və Klublararası Dünya Çempionatının qalibi olub.