ABŞ-də neft qazma qurğularının sayı azalıb

ABŞ-də neft qazma qurğularının sayı bu həftə 1 ədəd azalıb.

Neft sahəsi xidmətləri şirkəti Baker Hughes həftəlik məlumatlarını açıqlayıb.

Məlumata görə, ölkədəki neft qazma qurğularının sayı 14–20 iyun həftəsində əvvəlki həftəyə nisbətən 1 ədəd azalaraq 438-ə düşüb.

ABŞ-də neft qazma qurğularının sayı son bir il ərzində isə ümumilikdə 46 ədəd azalıb.

Cümə axşamı gününü 77,32 dollarla başa vuran Brent markalı neftin bir barelinin qiyməti cümə günü 75,25 dollar səviyyəsində olub.

Qərbi Texas (WTI) tipli xam neftin bir bareli isə cümə gününü 73,49 dollarla tamamlayıb. WTI tipli neftin qiyməti cümə axşamı 73,18 dollar səviyyəsində idi.

TRT XƏBƏR

Nuray Əliyeva