ABŞ Dövlət Departamentinin nümayəndəsi Tramp marşrutunun müzakirəsi üçün Gürcüstandadır

ABŞ Dövlət Departamentinin nümayəndəsi Conatan Askonas Gürcüstanda səfərdədir.

“İnformator.az” yerli KİV-ə istinadən xəbər verir ki, bu barədə ABŞ-nin Gürcüstandakı səfirliyi məlumat yayıb.

“Onun səfərinin məqsədi Gürcüstanın Tramp marşrutunu (TRIPP) necə dəstəkləyə biləcəyini müzakirə etməkdir. Bu nəqliyyat marşrutu avqustun 8-də ABŞ-nin vasitəçiliyi ilə keçirilən Ermənistan və Azərbaycan arasında sülh sammitinin nəticəsi olub. Səfər çərçivəsində o, həmçinin Xarici İşlər Nazirliyi və Gürcüstan hökumətinin nümayəndələri, eləcə də beynəlxalq maliyyə təşkilatları ilə görüşəcək”, -bəyanatda qeyd olunub.