ABŞ-nin "Əl Qaidə" haqqında açıqlaması

ABŞ Mərkəzi Qüvvələr Komandanlığı Suriyada 2 oktyabrda həyata keçirilən gözlənilməz əməliyyatla bağlı açıqlama yayıb. Açıqlamada bildirilir ki, ABŞ qüvvələri “Əl-Qaidə” ilə əlaqəli terror təşkilatına qarşı əməliyyat keçirib və hücum planlaşdıran yüksək səviyyəli bir terrorçu zərərsizləşdirilib.

ABŞ Mərkəzi Qüvvələr Komandanlığı (CENTCOM) çərşənbə axşamı yaydığı açıqlamada bildirib ki, ABŞ ordusu 2 oktyabrda Suriyada “Əl-Qaidə” ilə əlaqəsi olan və yüksək səviyyəli hücum planlaşdıran bir terrorçunu məhv edib.

CENTCOM-un komandanı admiral Bred Kuper qeyd edib ki, ABŞ-nin Yaxın Şərqdəki qüvvələri terrorçuların hücumları planlaşdırmaq, təşkil etmək və həyata keçirmək cəhdlərini “pozmaq və qarşısını almaq” üçün hazır vəziyyətdədir. Kuper əlavə edib: “Biz vətənimizi, əsgərlərimizi, müttəfiqlərimizi və bölgə boyunca, eləcə də onun hüdudlarından kənarda yerləşən tərəfdaşlarımızı qorumağa davam edəcəyik".

Haberler.com

Aygün Babayeva