ABŞ,Qəzzanın yenidən qurulması üçün alternativ planı rədd edib

Tramp administrasiyası ərəb liderlərinin dəstəklədiyi və uzun müddətdir gözlənilən Qəzzanın yenidən qurulması planını rədd edib. Prezident öz baxışını müdafiə edərək, bölgənin fələstinli sakinlərinin çıxarılmasını və ərazinin ABŞ-ə məxsus bir “riviera”ya çevrilməsini nəzərdə tutan təklifini irəli sürüb.

Misirin irəli sürdüyü Qəzza Zolağı üçün müharibədən sonrakı plan Həmasın hakimiyyətdən çəkilməsini və islah olunmuş Fələstin Administrasiyasının (PA) nəzarəti ələ alana qədər müvəqqəti bir idarəetmə orqanının qurulmasını nəzərdə tutur. Bu plan Trampın təklifindən fərqli olaraq, təxminən 2 milyon fələstinlinin bölgədə qalmasına icazə verir.

Qahirədə çıxış edən Fələstin Administrasiyasının (PA) Prezidenti Mahmud Abbas, “əgər şərait uyğun olarsa”, demək olar ki, iyirmi il ərzində ilk dəfə İordan çayının qərb sahili, Qəzza və İsrail tərəfindən işğal olunmuş Şərqi Qüdsdə ümumi seçkilərin keçiriləcəyinə söz verib.

İsrailin Baş naziri Benyamin Netanyahu isə hələ də Qəzzanın müharibədən sonrakı gələcəyi üçün nə düşündüyünü açıqlamaqdan imtina edir. O, yalnız Trampın “fərqli bir Qəzza” planını dəstəklədiyini bildirir və hesab edir ki, nə PA, nə də Həmas Qəzzaya rəhbərlik etməlidir.

CNN

Nuray Qurbanlı