ABŞ Şimali Koreyanı Rusiyaya hərbi dəstəyi dayandırmağa çağırıb

ABŞ Dövlət Departamenti bəyan edib ki, Şimali Koreyanın Rusiyaya hərbi dəstəyi və bu dəstək müqabilində Moskvanın yardımı dayandırılmalıdır.

Dövlət Departamentinin mətbuat katibinin müavini Tommy Pigott gündəlik mətbuat konfransında danışıb.

Pigott, "Şimali Koreyanın müharibəyə birbaşa qarışması, Şimali Koreyanın Rusiyaya hərbi qoşun göndərməsi və bunun müqabilində Rusiyanın Şimali Koreyaya verdiyi bütün dəstəyin sona çatması ilə bağlı narahatlıqlarımız davam edir",-dedi. 

Daha əvvəl Şimali Koreya və Rusiya ilə bağlı çoxlu açıqlamalar verdiklərini xatırladan Pigott, “Daha əvvəl də dediyimiz kimi, Şimali Koreya kimi Rusiya-Ukrayna müharibəsinə töhfə verən üçüncü ölkələr bu müharibənin məsuliyyətini daşıyır”.

Şimali Koreya lideri Kim Jong-un iyunun 4-də Rusiya Təhlükəsizlik Şurasının katibi Sergey Şoyqunu qəbul edib.

Rusiya Təhlükəsizlik Şurasının mətbuat xidməti bildirib ki, tərəflər beynəlxalq məsələləri, eləcə də Rusiya və Şimali Koreya arasında ikitərəfli əməkdaşlığı müzakirə ediblər.

Kim dünən səfərdən sonra Ukrayna müharibəsi də daxil olmaqla, bütün mühüm beynəlxalq siyasi məsələlərdə Rusiyanı qeyd-şərtsiz dəstəkləyəcəyini bildirib.

Mənbə: TRT Haber

Xədicə Məhərrəmli