Agent kimi vətəndaşlarımızın İrana göndərilməsi...

Son vaxtlar bəzi media və sosial şəbəkə hesablarında əsassız və uydurma iddialar yayılır ki, guya Azərbaycan etnik azərbaycanlıları agent kimi cəlb edib və onları İsrail adından İrana göndərib".

"İnformator.az" xəbər verir ki, bu barədə Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

"Bu cür absurd və fantastik iddiaların reallıqla heç bir əlaqəsi yoxdur və yalnız qəsdən yayılmış dezinformasiyadan başqa bir şey deyil. Biz bu saxta xəbərləri və əsassız ittihamları qəti şəkildə rədd edirik", - deyə H.Hacıyev qeyd edib.