Aİ "məskunlaşma zorakılığına" son qoymağa çağırır

Avropa İttifaqının (Aİ) Xarici Fəaliyyət Xidməti (EEAS) son günlər İsrailin işğalı altında olan İordan çayının qərb sahilində məskunlaşanlara qarşı zorakılıq, qorxutma və evlərin və mülklərin dağıdılmasına son qoymağa çağırıb və bunun əhəmiyyətli dərəcədə artdığını bildirib.

EEAS-ın bəyanatında israillilərin İordan çayının qərb sahilində həyata keçirdiyi qəsbkarlıq fəaliyyətlərinin beynəlxalq hüquqa görə qeyri-qanuni olduğu və sülhə maneə olduğu vurğulanıb.

Bəyanatda son günlərdə Ramallah şəhəri yaxınlığındakı Kefr Malik kəndində 3 fələstinlinin öldürülməsi də daxil olmaqla, məskunlaşanlara qarşı zorakılıq, təhdid və evlərin və mülklərinin dağıdılmasında əhəmiyyətli dərəcədə artım olduğu qeyd edilib və buna son qoyulması çağırışı edilib.

Bəyanatda İsraildən fələstinlilərə qarşı "məskunlaşma zorakılığının" qarşısını almaq üçün konkret addımlar atmağa və günahkarları məsuliyyətə cəlb etməyə çağırılaraq, "Mövcud çətin vəziyyətdə bütün səylər gərginliyin azaldılmasına yönəldilməlidir",- deyilir.

Fələstin torpaqlarını qəsb edən bir qrup israilli iyunun 25-də Ramallahın şərqindəki Kefr Malik qəsəbəsində fələstinlilərə hücum edərək evləri və avtomobilləri yandırıb. İsrailli hücumçular hücuma müqavimət göstərməyə çalışan fələstinlilərə atəş açıb, nəticədə 3 fələstinli ölüb, 7 nəfər yaralanıb.

Fələstin məlumatlarına görə, Qəzzada soyqırım müharibəsi ilə paralel olaraq, İsrail ordusu və məskunlaşanların Şərqi Qüds və İordan çayının qərb sahilinə hücumlarını artırması nəticəsində ən azı 1000 fələstinli həyatını itirib, təxminən 7 min nəfər isə yaralanıb.

Mənbə: TRT Haber

Xədicə Məhərrəmli