Ali təhsil üzrə I-IV ixtisas qrupları üçün imtahan qeydiyyatı davam edir –

“İnformator.az” xəbər verir ki ,Dövlət İmtahan Mərkəzi (DİM) ali təhsilin I-IV ixtisas qrupları üzrə qəbul imtahanının birinci cəhdi üçün qeydiyyat prosesinin davam etdiyini açıqlayıb.

Abituriyentlər qeydiyyatdan keçmək üçün DİM-in rəsmi internet səhifəsinə daxil olaraq tələb olunan addımları yerinə yetirməlidirlər.

Qeydiyyat 1 may 2025-ci il saat 23:59 tarixində başa çatacaq.

Qeyd edək ki, bu mərhələ 2025-2026-cı tədris ili üçün ali təhsil müəssisələrinə qəbul olmaq istəyən abituriyentlər üçün nəzərdə tutulub və hər bir namizədə iki dəfə imtahanda iştirak etmək imkanı verilir.

Səkinəbəyim Cəfərova