Alman müdafiə konserni rekord sifariş aldı

Rheinmetall Danimarka, Hollandiya və Estoniya ilə ortaq şəkildə Alman silahlı qüvvələrinin (Bundesver) aldığı yaxın tarixdə rekord sifarişi elan etdi. Bu barədə alman şirkətinin saytında məlumat verilib.

 Söhbət 8,5 milyard avro dəyərində sursat istehsalından gedir. Müqavilə üzrə ilk tədarüklər 2025-ci ilin əvvəlində başlayacaq. Əsas alıcı Almaniya bu sursatların bir hissəsini Ukraynaya keçirəcək.

 Konsern bildirib ki, müqavilədə bu şirkətin qlobal artilleriya sursatları bazarındakı rolu vurğulanır.

 Bundan əvvəl Rheinmetall-ın Ukraynada bir neçə fabrik açacağı məlum olub. Xüsusilə, hava hücumundan müdafiə sistemlərinin istehsalı üçün. Kiyev həmçinin Rheinmetall ilə birlikdə 2024-cü ilin sonuna qədər ilk Lynx piyada döyüş maşını buraxmağı gözləyir.

 Fransanın müdafiə şirkəti Thales də Ukraynada silah istehsalı üçün müqavilələr imzalayıb. Söhbət rabitə və elektron müharibə (EW), hava hücumundan müdafiə sistemləri üçün radarların birgə istehsalından, həmçinin pilotsuz təyyarələrin hazırlanması və istehsalından gedir.

Banuçiçək Kalbalıyeva