Almaniyanın müharibə planı mətbuata sızıb

Almaniyanın yüksək rütbəli məmurlarının Rusiya ilə potensial müharibə üçün hazırladıqları 1200 səhifəlik məxfi plan üzə çıxıb. Wall Street Journal-ın məlumatına görə, plan bütün təchizat və müdafiə prosedurları ilə birlikdə Şərq Cəbhəsinə 800.000 Alman, ABŞ və NATO hərbçisinin daşınacağı limanlar, yollar və dəmir yolları haqqında ətraflı məlumat verir. Qəzet bunu “soyuq müharibəyə qayıdış” kimi şərh edib. Planın müəllifləri bildiriblər ki, onların məqsədi müharibəyə başlamaq deyil, güclü çəkindirici qüvvə nümayiş etdirməklə münaqişənin qarşısını almaqdır.

Avropada Rusiyadan gələn istənilən təhlükə bütün qitədə ciddiliklə qiymətləndirilir. Bir çox ölkələr potensial hücuma qarşı hərbi hazırlıqlarını artırır və Almaniya da bu ölkələrdən biridir. Almaniya ordusunun yüksək rütbəli zabitlərinin hazırladığı 1200 səhifəlik gizli müharibə planı üzə çıxıb. Amerikanın “The Wall Street Journal” qəzetinin yazdığına görə, təxminən iki il yarım əvvəl yüksək səviyyəli alman komandirləri Rusiya ilə potensial münaqişə üçün gizli plan üzərində işləmək üçün Berlindəki üçbucaqlı hərbi obyektə toplaşıblar.

Bu hərtərəfli plan 800.000 Almaniya, ABŞ və digər NATO hərbçilərinin Avropanın şərq cəbhəsinə necə yerləşdiriləcəyini təfərrüatlı şəkildə izah edib. O, qoşunların daşınacağı limanlar, çaylar, magistral yollar və dəmir yolları və bu yolda təchizat, logistika və müdafiə üsullarının necə həyata keçiriləcəyi barədə ətraflı məlumat verib.

“Wall Street Journal” planı “soyuq müharibə zehniyyətinə qayıdış” kimi qiymətləndirərək, Almaniyanın köhnə infrastrukturu, qeyri-adekvat qaydaları və azalan ordusunun da planlaşdırma prosesində nəzərə alındığını yazıb. Planın hazırlanmasında iştirak edən yüksək rütbəli zabit əsas məqsədin çəkindirmə olduğunu vurğulayaraq, “Məqsəd düşmənlərimizin bizə hücum etsələr uğur qazanma şanslarının olmadığını açıq şəkildə nümayiş etdirməklə müharibənin qarşısını almaqdır”,-deyib.

Aydan Əsgərxanlı

CNN Türk