Ankarada sərnişin avtobusu yanıb

Ankarada sərnişin avtobusu hərəkətdə olarkən yanaraq yararsız hala düşüb.

Anadolu magistralının Kızılcahamam Yakakaya hissəsində Hataydan İstanbula gedən sərnişin avtobusu naməlum səbəbdən yanıb.

Vəziyyəti anlayan sürücü nəqliyyat vasitəsini qəza zolağında saxlayıb və avtobusda olan 36 sərnişini təxliyyə edib.

Hadisə yerinə 112 Təcili Tibbi Yardım, xilasetmə bölməsi və şose jandarma qrupları sövq edilib. Yanğınsöndürənlər təxminən yarım saatlıq müdaxilədən sonra yanğını söndürüb. Təxliyyə edilən sərnişinlər isə başqa avtobusla yola davam ediblər. 

TRT XƏBƏR

Nərgiz Əzizli