ASELSAN ALTAY tankına güc qatır

Türkiyənin müdafiə sənayesinin nəhəngi ASELSAN, milli resurslarla hazırladığı sistemlərlə ALTAY Ana Döyüş Tankının texnoloji gücünü artırıb.

BMC ilə imzalanan müqavilə çərçivəsində 251 tank üçün vacib avadanlıqlar ASELSAN tərəfindən təmin edilir. Sabah ilk tankların təhvili planlaşdırılır.

ALTAY tankı yüksək atəş gücü, AKKOR aktiv mühafizə sistemi və VOLKAN-II atəş idarəetmə sistemi kimi qabaqcıl texnologiyalarla təchiz olunub. AKKOR sistemi 360 dərəcə qoruma təmin edərək tankın döyüşdə sağ qalma qabiliyyətini xeyli artırır.

Milli istehsal olan bu sistemlər ASELSAN-ı zirehli texnologiyalar sahəsində dünya səviyyəli şirkətlər sırasına çıxarıb.

TRT Haber

Aişə Mustafayeva