Avropa Birliyi Ukraynaya 90 mlrd avro kredit ayırıb

Avropa İttifaqı Ukraynaya 90 milyard avro həcmində kredit ayrılmasını təsdiqləyib. Bu maliyyə dəstəyi ölkənin iqtisadi sabitliyinin qorunması və dövlət xərclərinin qarşılanmasına kömək məqsədi daşıyır.

Ukrayna Prezidenti Volodimir Zelenski qərarı müsbət qiymətləndirərək bildirib ki, Ukrayna Avropa İttifaqına inteqrasiyanı sürətləndirməlidir. O, Aİ-ni ölkəsinin tam üzvlüyü ilə bağlı prosesi tezləşdirməyə çağırıb.

Zelenski vurğulayıb ki, Ukrayna artıq Avropa ilə siyasi və iqtisadi sahədə sıx əməkdaşlıq edir və üzvlük ölkənin təhlükəsizliyi üçün vacib addımdır.

BBC News
Ayşə Müzəfərli