Avropa liderləri Zelenski ilə Haaqada görüşəcək

Fransa, Böyük Britaniya, Almaniya, Polşa və İtaliya liderləri NATO sammitindən sonra, iyunun 25-də Haaqada Ukrayna prezidenti Vladimir Zelenski ilə görüşərək Moskva və Kiyev arasında sülh danışıqlarının perspektivlərini müzakirə edəcəklər.

Məlumata görə, NATO baş katibinin dəvəti ilə baş nazir Donald Tusk Fransa, Almaniya, Böyük Britaniya, İtaliya və Polşanın daxil olduğu “Ukraynanın Dostları Qrupu” adlanan beş ən böyük Avropa ölkəsinin hökumət başçılarının görüşündə iştirak edəcək. Danışıqlarda Ukrayna prezidenti Vladimir Zelenski də yer alacaq.

Görüş zamanı Ukraynanın şərqində artan hücumlar və davam edən hərbi əməliyyatlar fonunda Ukrayna və Rusiya arasında sülh danışıqlarının mümkün perspektivləri müzakirə olunacaq.

Mənbə :Caliber

Aytən Ağazadə