Avropanın planı yoxdur, ABŞ-lə işləyəcəyik - Starmer

Avropa ABŞ-nin təşəbbüsü ilə yaradılan sülh planı üzərində işləyəcək. Öz planını hazırlamaq niyyəti yoxdur.

"İnformator.az" xəbər verir ki, bunu Böyük Britaniyanın Baş naziri Keyr Starmer İcmalar Palatasında çıxışı zamanı açıqlayıb.

Starmer bildirib ki, 20-21 noyabr tarixlərində Cənubi Afrikada keçirilən G20 sammitində bir sıra əsas müttəfiqlərin - Fransa və Almaniyanın, eləcə də "istəklilər koalisiyası”nın əsas müttəfiqlərinin iştirakı ilə ABŞ-nin sülh planı ilə bağlı intensiv müzakirə aparılıb.

Baş nazir qeyd edib ki, mövcud mətnlə işləmək barədə ortaq fikrə gəlinib.