Azərbaycan və İran HDQ-nin təlimləri başa çatıb

Azərbaycan və İran Hərbi Dəniz Qüvvələrinin (HDQ) iştirakı ilə keçirilən “AZIREX-2025” birgə axtarış-xilasetmə təlimi uğurla yekunlaşıb.

Müdafiə Nazirliyinin mətbuat xidmətindən "İnformator.az"a bildirilib ki, təlim çərçivəsində qarşıya qoyulan tapşırıqlar hər iki ölkənin hərbi qulluqçuları  dəqiqliklə yerinə yetirib.

Plana uyğun olaraq, mərhələlər üzrə qarşılıqlı əlaqədə icra olunan fəaliyyətlər zamanı iştirakçılar yüksək döyüş hazırlığı nümayiş etdiriblər.

Təlim rəhbərləri şəxsi heyətin peşəkarlığını və hazırlıq səviyyəsini yüksək qiymətləndiriblər.

Təlimin sonunda qarşılıqlı hədiyyələr təqdim olunub və fərqlənən hərbi qulluqçular mükafatlandırılıb.