BBC-də istefalar!!
Böyük Britaniyanın ictimai yayımçısı BBC-nin baş direktoru Tim Deyvi və xəbərlər üzrə direktoru Debora Törnəs, 2021-ci ildə ABŞ Konqresində baş verən hadisələri əks etdirən BBC sənədli filmində ABŞ prezidenti Donald Trampın sözlərinin təhrif edildiyi ilə bağlı tənqidlərdən sonra istefa veriblər. Ölkənin aparıcı media orqanları bu hadisəni birinci səhifələrindən xəbər edərək, bunun “son on ildən çoxdur yaşanan ən böyük böhran” olduğunu bildiriblər.
Ötən il yayımlanan ABŞ prezidenti Donald Tramp haqqında sənədli filmdə “2021 Konqres basqını” ilə bağlı bəzi ifadələrin kontekstdən çıxarılaraq montaj edildiyinin üzə çıxmasından sonra, dünən BBC-nin yüksək vəzifəli rəhbərlərinin istefası Böyük Britaniya qəzetlərinin manşetlərində geniş yer alıb.
The Guardian, Financial Times, Daily Telegraph, The Times və Daily Mail kimi aparıcı mətbuat orqanları, BBC-nin baş direktoru Tim Deyvi və xəbərlər üzrə direktoru Debora Törnəsin istefa qərarını birinci səhifələrindən oxuculara çatdırıblar.
The Telegraph qəzetinin 3 noyabr tarixli məlumatına görə, BBC News-da yayımlanan Panorama proqramında 28 oktyabr 2024-cü ildə göstərilən “Tramp: İkinci bir şans?” adlı sənədli filmdə Trampın 2021-ci ildə Konqres basqınından əvvəl söylədiyi iki fərqli çıxış yer alıb.
ABŞ prezident seçkilərindən bir həftə əvvəl yayımlanan bu sənədli filmdə BBC həmin iki çıxışı birləşdirərək sanki Trampın “Konqresə yürüyün və mübarizə aparın” mesajı verdiyi təəssüratını yaradıb.
Əslində isə Trampın nitqində “sülh yolu ilə etiraz edin” kimi ifadələr olub, lakin bu sözlər BBC-nin montaj etdiyi birləşdirilmiş versiyada çıxarılıb.
Haberler.com
Aygün Babayeva
