BBC, ​​"səhv mühakimə"yə görə üzr istəyib

Britaniyanın ictimai yayımçısı olan BBC, 2021-ci ildə Konqresə basqınla bağlı ifadələrin kontekstdən çıxarılaraq keçən il yayımlanan ABŞ Prezidenti Donald Tramp haqqında sənədli filmdə redaktə edildiyi ortaya çıxdıqdan sonra üzr istəyib. BBC sədri Samir Şah Mədəniyyət, Media və İdman Komitəsindəki millət vəkillərinə ünvanladığı məktubda korporasiyanın Trampın çıxışını redaktə etməsinin yanlış təəssürat yaratdığını və daha diqqətlə nəzərdən keçirilməli olduğunu etiraf edib.

Şah bildirib ki, BBC-nin Panorama proqramında yayımlanan sənədli filmdə Trampın 6 yanvar 2021-ci il tarixli çıxışından parçalar yer alıb və Trampın tərəfdarlarını "Konqresə yürüş etməyə və mübarizə aparmağa" çağırdığı təəssüratı yaradıb. O, əlavə edib:
"Çıxışın redaktəsinin birbaşa zorakılığa çağırış olduğu təəssüratını yaratdığını qəbul edirik. BBC bu səhv mühakiməyə görə üzr istəyir." BBC sədri Şah həmçinin bildirib ki, BBC-nin keçmiş əməkdaşı və Yayım Prinsipləri və Standartları Şurasının müstəqil məsləhətçisi Maykl Preskotun sızdırılmış memorandumu ilə başlayan proses 500-dən çox şikayətə səbəb olub.Lakin Şah Preskotun iddialarını tam qəbul etmədiyini vurğulayıb və BBC-nin müəyyən xəbərləri gizlətdiyi iddia edilən şərhlərin yalan olduğunu bildirib.

Dinc etiraza istinad edən əsl çıxış BBC sənədli filmindəki birləşdirilmiş çıxışdan çıxarılıb. BBC-nin baş direktoru Tim Deyvi və baş xəbər direktoru Deborah Turness dünən istefa veriblər. Trampın sənədli filmində 2021-ci il Konqresə basqınla bağlı ifadələrin kontekstdən çıxarılıb redaktə edildiyi aşkar edildikdən sonra istefa veriblər. İstefalardan sonra Prezident Tramp deyib: "BBC, o cümlədən ictimaiyyətin ən yüksək vəzifəli üzvləri, 6 yanvar tarixli əla çıxışımı dəyişdirərkən tutulduqları üçün istefa verib/işdən çıxarılıblar".

TRT Xəbər
Xədicə Məhərrəmli