Beynəlxalq səyyahlar Cəbrayılda olublar

Azərbaycanın işğaldan azad edilmiş ərazilərinə səfəri çərçivəsində MTP (Most Traveled People) beynəlxalq səyyahlar klubunun nümayəndə heyəti Cəbrayıl şəhərində olub.

"İnformator.az" “Report”a istinadən xəbər verir ki,  səfər iştirakçılarına şəhərdə erməni işğalından azad edildikdən sonra aparılan bərpa və tikinti işlərinin gedişi barədə məlumat verilib.

Səyyahlar yeni şəhər infrastrukturunun yaradılması layihələri ilə tanış olublar və regionun transformasiyasının miqyası ilə maraqlanıblar.