Bitkilər bir-birilə danışır

Yapon alimləri böcəklərdən qorunmaq üçün bitkilərin bir-biri ilə danışdığını kəşf ediblər.

İnformator.az xarici mənbəyə istinadən xəbər verir ki, Nature Communications elmi jurnalında dərc olunan yeni tədqiqat bitkilərin digər bitkilərdən rabitə siqnallarını necə qəbul etdiyini və onların necə reaksiya verə biləcəyini göstərir.

Tədqiqatın nəticələrinə görə, bitkilər ot yeyən heyvanların zədələrinə və hücumlarına qarşı bir sıra siqnallar yayırlar. Üzvi birləşmələr kimi tanınan bu siqnallar ot yeyənləri dəf etmək və onların təbii düşmənlərini cəlb etmək kimi bir çox faydalar təmin edir.

Tədqiqat rəhbəri Masatsugu Toyota və komandası tırtılların yediyi bir qrup bitkidən ayrılan birləşmələri toplayıb və onları zədələnməmiş qonşu bitkilərə pompalayıb.

Alimlər bitkiləri öyrənmək üçün real vaxt rejimində flüoresan görüntüləmə sistemindən istifadə ediblər. Bu üsul həmçinin bitkilərdə stress reaksiyalarının yaranmasında mühüm rol oynayan kalsium ionlarının real vaxt rejimində monitorinqinə imkan verirdi.