Blinken Ukraynanın NATO-ya inteqrasiyasının real nəticələrini açıqlayıb

İyulun 9-dan 11-dək Vaşinqtonda keçiriləcək NATO sammiti Ukraynanın alyansa inteqrasiyasının real nəticələrini verəcək. Reuters xəbər verir ki , bunu ABŞ dövlət katibi Entoni Blinken Kişinyovda mətbuat konfransı zamanı deyib.

"ABŞ-da NATO sammiti yaxınlaşır, məncə, burada Ukraynanın alyansa gələcək inteqrasiyası ilə bağlı çox mühüm nəticələr görəcəksiniz", - xarici siyasət idarəsinin rəhbəri bildirib.

Blinken bundan əvvəl demişdi ki, Ukrayna öz müdafiə üsullarını müstəqil həll edir, lakin ABŞ Qərbin uzaqmənzilli silahlarının Rusiyaya hücumunu bəyənmir. Eyni zamanda o əlavə edib ki, Vaşinqton Ukrayna qoşunlarını bütün lazımi resurslarla təmin edəcək.