Braziliyada isti hava şarı qəzaya uğrayıb: 8 ölü, 13 yaralı

Braziliyanın cənubundakı Santa-Katarina ştatında isti hava şarının alışaraq yerə düşməsi nəticəsində 8 nəfər həyatını itirib, 13 nəfər isə yaralanıb.

Yerli “G1” xəbər kanalının məlumatına görə, içərisində 21 nəfərin olduğu isti hava şarı alovlandıqdan sonra sürətlə yerə çırpılıb.

Santa-Katarina hərbi yanğından mühafizə xidmətinin açıqlamasına görə, qəzada 13 nəfər yaralı şəkildə xilas edilib, 8 nəfər isə həlak olub.

Qeyd edək ki, 15 iyun tarixində San-Paulu ştatında baş vermiş başqa bir isti hava şarı qəzasında 27 yaşlı qadın ölüb, 11 nəfər isə yaralanıb.

TRT HABER
Solmaz Muradova