Britaniyada alimlər “ölüm hesablayıcısı” hazırlayıblar

Şərqi İngiltərə Universitetinin britaniyalı alimləri insanın gözlənilən ölüm tarixini təyin edə bilən kalkulyator yaradıblar.

Hesablamalar insan sağlamlığının göstəricilərinə və həyat tərzinə əsaslanır.

Tərtibatçılar vurğulayırlar ki, onların sistemi boş maraqdan deyil, ömrü uzatmaq üçün yaradılıb.

Tədqiqatın məqsədi təkcə ömrünüzü uzatmağa çalışmaq deyil, həm də gələcək maliyyə məqsədləri və ən əsası təqaüdə çıxma tarixinizi planlaşdıra bilməkdir.

Proqram xəstələrin elektron tibbi qeydlərindən alınan tədqiqat məlumatlarına əsaslanır.

Bunun üçün alimlər 35 yaşlı 110 min sağlam insanın fəaliyyətini təhlil ediblər.

İştirakçıların sağlamlıq vəziyyəti hər altı aydan bir yenilənirdi ki, bu da 648 müxtəlif profil üçün gözlənilən ömür müddətini hesablamağa imkan verirdi.

Əsas risk faktorlarına diabet, hiperkolesterolemiya, hipertoniya, ürək-damar xəstəlikləri, həmçinin siqaret və statin istifadəsi kimi xəstəliklər daxildir.

Hazırda koronavirus infeksiyasını nəzərə almaq üçün proqram yeniləməsi hazırlanır.

İstifadəçilər adlarını, yaşlarını, cinsini, xroniki xəstəliklərini və siqaret çəkmə vərdişlərini daxil etməlidirlər.