Ceyms Harrison 88 yaşında vəfat edib

Milyonlarla körpənin həyatını xilas edən Avstraliyalı məşhur qan donoru Ceyms Harrison 88 yaşında vəfat edib.

Onun plazmasında "nadir və qiymətli" Anti-D antikoru var idi və o, Avstraliya Qırmızı Xaç Lifeblood təşkilatının verdiyi məlumata görə, 1,100-dən çox dəfə qan donoru olub. Təşkilat şənbə günü yayımladığı açıqlamada Harrisonun ölümünü təsdiqləyib.

“Qızıl qollu adam” kimi tanınan Harrison, fevralın 17-də Sidneyin şimalındakı bir qocalar evində yuxuda olarkən dünyasını dəyişib.

Harrisonun bu fədakar missiyası, 14 yaşında ağciyər əməliyyatı keçirdikdən sonra çoxsaylı qan köçürmələri alması ilə başlayıb.

O, 18 yaşında plazma donoru olmağa başlayıb və 81 yaşına qədər – Avstraliyada qan donorluğu üçün yuxarı yaş həddinə çatana qədər – hər iki həftədə bir qan verib.

CNN

Nuray Qurbanlı