Dolmabağçadakı görüşlərin vaxtı açıqlandı

Bu gün İstanbulda Türkiyə-ABŞ-Ukrayna, həmçinin Türkiyə-Rusiya-Ukrayna üçtərəfli görüşləri keçiriləcək.

“İnformator.az" xəbər verir ki, bu barədə Türkiyə XİN-dən əldə edilən informasiyaya əsasən “TRT Haber” məlumat yayıb.

Bildirilib ki, Türkiyə-ABŞ-Ukrayna üçtərəfli görüşü yerli vaxtla saat 10.45-də (Bakı vaxtı ilə 11:45) Türkiyə Prezidentinin Dolmabağça sarayındakı ofisində baş tutacaq.

Türkiyə-Rusiya-Ukrayna üçtərəfli görüşü də yerli vaxtla saat 12.30-da (Bakı vaxtı ilə 13:30) eyni məkanda keçiriləcək.