Donald Tramp: "Xamenei öldürülüb"

"Tarixin ən pis insanlarından biri olan Xamenei öldü. Bu təkcə İran xalqı üçün deyil, bütün amerikalılar və dünyanın bir çox ölkələrində olan, Xamenei və onun qaniçən quldur dəstəsi tərəfindən öldürülən və ya şikəst edilən insanlar üçün ədalətdir"

"İnformator.az" xəbər verir ki, bu sözləri ABŞ Prezidenti Donald Tramp rəsmi "Truth Social" hesabındakı paylaşımında deyib.

İnformator.az ümumi paylaşımı təqdim edir:

"Tarixin ən pis insanlarından biri olan Xamenei öldü. Bu hadisə təkcə İran xalqı üçün deyil, həm də dünyanın müxtəlif ölkələrində Xamenei və onun qaniçən quldur dəstəsi tərəfindən öldürülən və ya şikəst edilən bütün insanlar üçün ədalətin bərpasıdır.

O, kəşfiyyat və yüksək səviyyəli, mürəkkəb izləmə sistemlərimizdən yayınmaq iqtidarında deyildi. İsraillə sıx əməkdaşlıq şəraitində həyata keçirilən bu prosesdə onun və ya onunla birlikdə zərərsizləşdirilən digər liderlərin edə biləcəyi heç bir şey yox idi.

Bu hadisə İran xalqının öz ölkəsini geri alması üçün ən böyük şansdır. Aldığımız məlumatlara görə, İİKK, hərbi birliklər və digər təhlükəsizlik və polis qüvvələrinin bir çoxu artıq döyüşmək istəmir və bizdən toxunulmazlıq axtarır".

Dünən gecə də dediyim kimi:

“İndi toxunulmazlıq əldə etmək mümkündür, lakin sonra onları yalnız ölüm gözləyir".

Ümid edirəm ki, İİKK və polis qüvvələri İran vətənpərvərləri ilə sülh yolu ilə birləşəcək və ölkəni layiq olduğu böyüklüyə qaytarmaq üçün vahid qüvvə kimi çalışacaqlar. Bu proses gecikmədən başlamalıdır, çünki təkcə Xameneinin ölümü deyil, ölkənin özü də cəmi bir gün ərzində böyük dağıntılara məruz qalıb, demək olar ki, yerlə-yeksan edilib.

Buna baxmayaraq, ağır və dəqiq bombardmanlar Yaxın Şərqdə və bütövlükdə dünyada sülh məqsədimizə çatmaq üçün lazım olduğu müddət ərzində, fasiləsiz şəkildə davam edəcək.

Bu məsələyə diqqət yetirdiyiniz üçün təşəkkür edirəm.

PREZİDENT DONALD J. TRAMP