Elon Mask işçidən üzr istəməli olub

Elon Mask onlayn qalmaqala görə işdən çıxarılan Tvitter işçisindən üzr istəyir.

İnformator.az BBC-yə istinadən xəbər verir ki, Elon Mask platformada bir işçi ilə etdiyi fikir mübadiləsinə görə üzr istəməli olub.

Sözügedən işçi "Sizin HR rəhbəriniz mənim işlə təmin olunub-olunmadığımı təsdiq edə bilmir" deyib. Mübahisədən sonra Thorleifsson adlı şəxs işdən çıxarıldığını təsdiqləyən e-poçt məktubu aldığını bildirib.

Həmin şəxs BBC-yə Tvitter-in insan resursları departamentindən işdən çıxarılıb-çıxarılmaması ilə bağlı cavab ala bilmədiyini deyib.

Mask yaranan vəziyyətə görə işçidən üzr istəyərək onun yenidən Tvitter-ə qayıtmağı düşündüyünü deyib.

Sayad