Epilepsiyanın diaqnostikasında süni intellektdən istifadə

London Kral Kolleci və London Universitet Kollecinin (UCL) alimləri epilepsiya ilə bağlı beyindəki görünməz anomaliyaları aşkar edə bilən süni intellekt texnologiyası hazırlayıblar.

Yeni MELD Graph texnologiyası radioloqların görmədiyi beyin pozuntularının 64 faizini aşkarlaya bilir. Araşdırma nəticələri bu gün JAMA Neurology jurnalında dərc olunub.

Mütəxəssislərin sözlərinə görə bu alət Böyük Britaniyada 30 min, dünyada isə təxminən 4 milyon xəstənin müalicəsində inqilabi dəyişiklik yarada bilər. Süni intellekt beyin görüntülərini daha tez analiz edir, pasiyentlərin əməliyyata vaxtında yönləndirilməsinə imkan yaradır və Milli Səhiyyə Xidmətinə (NHS) hər xəstə üzrə 55 min funt-sterlinqə qədər qənaət qazandıra bilər.

Epilepsiya Böyük Britaniyada hər 100 nəfərdən 1-nə təsir edir. Epilepsiyalı insanların 20 faizində tutmaların səbəbi beyindəki struktur anomaliyalar xüsusilə fokal kortikal displaziya (FCD) olur. Bu tip xəstələrdə dərman müalicəsi çox vaxt nəticə vermir, lakin anormal toxumanın cərrahi yolla götürülməsini dayandırmaq üçün effektiv və təhlükəsiz üsul sayılır. Problemi yaradan əsas məqam budur ki, FCD çox incə vizual əlamətlərlə özünü göstərir və insan gözündən yayınır. Radioloqlar belə halların təxminən yarısını görə bilmir. Nəticədə diaqnoz və əməliyyat gecikir, bu isə xəstələrin daha çox tutma keçirməsinə, təcili yardıma tez-tez müraciət etməsinə və gündəlik həyatının ciddi şəkildə pozulmasına səbəb olur.

King's College London

Ədilə Hüseynzadə