“Fənərbaxça”nın baş məşqçisi jurnalistlə mübahisə edib

“Fənəbaxça”nın baş məşqçısı Vitor Pereyra Rizəspor matçından sonra keçirilən mətbuat konfransında yenə jurnalistlərin suallarını cavablandırmayıb.

İnformator Türkiyə mətbuatına istinadən xəbər verir ki, portuqaliyalı məşqçi mətbuat konfransını başa çatdırdıqdan sonra jurnalistlə arasında mübahisə düşüb. Jurnalistin sualları cavablandırmaya bilərsiz, amma ən azından qulaq asmalısız deməsindən sonra Pereyra “Oyunla bağlı danışdım. Deyiləcək hər şeyi dedim. Daha əvvəl hər kəsə hörmət edirdim. Sonra bir nəfər mənə hörmətsizlik etdi və mənim üçün qurtardı , -deyib.”