Fransa və Vyetnam 9 milyard avro dəyərində müqavilə imzalayıb

Fransa və Vyetnam arasında ümumi dəyəri 9 milyard avro olan müqavilələr imzalanıb. Bu barədə Vyetnama dövlət səfəri çərçivəsində Fransa prezidenti Emmanuel Makron jurnalistlərə açıqlama verib.

“Səfər zamanı 9 milyard avro dəyərində müqavilələr imzalanıb”, – Makron bildirib.

Prezidentin sözlərinə görə, sazişlər demək olar ki, bütün əsas sahələri – o cümlədən aviasiya və dəmir yolu nəqliyyatını – əhatə edir.

“Bağlanmış sazişlər iki ölkə arasında müdafiə, aviasiya və energetika sahələrində möhkəm tərəfdaşlığı vurğulayır”, – deyə prezident əlavə edib.

Qeyd edək ki, Fransa hazırda Vyetnamın beşinci ən böyük Avropa ticarət tərəfdaşıdır.

Mənbə :Caliber

Aytən Ağazadə