Hatayda yolun ortasına beton tökən şirkətin fəaliyyəti dayandırılıb

Hatayda yolun ortasına icazəsiz şəkildə beton tökərək nəqliyyatın hərəkətini məhdudlaşdıran tikinti şirkətinin fəaliyyəti müvəqqəti olaraq dayandırılıb. Hadisə ilə bağlı sosial şəbəkələrdə yayılan görüntülər böyük narazılığa səbəb olub.

Məlumata görə, şirkətin tikinti işləri zamanı təhlükəsizlik və yol hərəkəti qaydalarına riayət etmədiyi müəyyən edilib. Şəhər rəhbərliyi hadisəni araşdıraraq şirkətə qarşı inzibati tədbirlərin görüləcəyini bildirib.

Rəsmi qurumlar məsələ ilə bağlı araşdırmanın davam etdiyini, təhlükəsizliyin tam təmin olunması üçün ərazidə təmizləmə və bərpa işlərinin aparıldığını açıqlayıb.

TRT Haber

Aişə Mustafayeva