Hava şarı küçənin ortasına enib

Hava şarı Britaniyanın Bedford şəhərində yaşayış küçələrindən birinə gözlənilmədən eniş edib. 

"İnformator.az" xəbər verir ki, hadisə səhər saatlarında Bauer küçəsində baş verib.

Pilot park edilmiş avtomobillər, teleqraf dirəkləri və evlərin arasına enməyə cəhd edib.

Həmin vaxt itini gəzdirən şahid pilota təhlükəsiz eniş üçün təhlükəsizlik ipini tutmağa kömək edib. 

Onun sözlərinə görə, şar heç nəyə dəyməyib və heç kim xəsarət almayıb. Pilot adama təşəkkür edərək, onu xilas etdiyini bildirib.