Hermes Heykəli Üzə Çıxarılıb
Aspendos Qədim Şəhərində əsrlər boyu basdırılmış fiqurlar ortaya çıxıb. Ellin mifologiyasında qonaqpərvərlik, diplomatiya, yarışmalar və astronomiya tanrısı kimi tanınan Hermesin heykəli qazıntılar zamanı parçalara ayrılaraq bütöv hala gətirilib.
Mədəniyyət və Turizm naziri Mehmet Nuri Ersoy, Aspendos Antik Şəhərində mərmərdən Hermes heykəlinin aşkar edildiyini açıqlayıb. Ersoy deyib: "Gələcək üçün İrs layihəmiz çərçivəsində Aspendos Antik Şəhərində aparılan qazıntılar zamanı Roma İmperatorluğu Dövrünə aid Hermes heykəli üzə çıxarılıb. Eyni ərazidə Afrodita və Erosun başları, Artemida və Nemesisə aid heykəl parçaları da aşkar edilib".
Layihədə əməyi olan Mədəni İrs və Muzeylər Baş İdarəsinin əməkdaşlarına təşəkkür edən Ersoy, yenidən qurulacaq bu əsərlərin ölkəyə, onun mədəni və turizm həyatına xeyirli olmasını arzuladığını bildirib.
Zevsin Elçisi Hermesin Təsviri Olan Heykəl
2024-cü il mövsümündə qazıntı işlərinin başladığı Aspendos Qədim Şəhərinin Teatr küçəsinin şərqində, giriş qapısının cənub qanadında yerləşən monumental fəvvarənin (nymphaion) xarabalıqları arasında Hermesin mərmər heykəli tapılıb. Açılan heykəldə Olympusun baş tanrısı Zevsin elçisi və tanrıların ən sürətlisi kimi tanınan Hermes təsvir olunub.
Ellin mifologiyasında yolların, ticarətin, qonaqpərvərliyin, diplomatiyanın, yarışların və astronomiyanın tanrısı kimi tanınan Hermes, oğru və tacirlərin, sürülərin və çobanların qoruyucusu kimi də təsvir edilir. Heykəl sağ əlində pul kisəsi, sol əlində isə kerykeion (əsa) çiynindən asılmış paltarı ilə təsvir edilib. Sol ayağının yanında başı Hermes tərəfə çevrilmiş qoç fiquru var.
Heykəl yazılı postament üzərində dayanır və ağırlığının sol ayağında olduğu, sağ ayağının dizdən bir qədər əyilmiş və irəli atıldığı görünür. Qazıntılar zamanı parça-parça tapılan və demək olar ki, tamamilə üzə çıxarılan heykəl, qazıntı evinin anbarında yığılaraq bütövlükdə qiymətləndirilib. Piyada ilə birlikdə ümumi hündürlüyü 1,65 metrə çatan əsər, üslub xüsusiyyətlərinə görə Roma İmperatorluğu Dövrünə (eranın II əsrin sonu - eramızın III əsrinin əvvəlləri) aiddir.
Eyni Ərazidə Afrodita və Erosun Başları da Tapılıb
Hermes heykəlinin tapıldığı ərazidə, eşq və gözəllik ilahəsi Afrodita və eşq tanrısı Eroza aid olduğu düşünülən başlar da çıxarılıb. Heykəllərin bölgəyə xas bədii üslubda işləndiyi və dövrün estetik anlayışını əks etdirdiyi müşahidə edilib.
2024-cü ildə "Gələcəyə İrs" layihəsi çərçivəsində aparılan qazıntılar zamanı eyni bölgədə ov, canlılar, heyvanlar və təbiət ilahəsi Artemida ilə ədalət, tarazlıq, tale və intiqam simvolu olan Nemesisə aid olduğu düşünülən bədən hissələri də üzə çıxarılıb. Aspendos antik şəhərində aparılan qazıntılar, bölgənin mədəni irsinə işıq salmağa davam edir.
HaberTürk
Çinarə Tarverdiyeva
