Hindistan etanol istehsalı üçün rekord həcmdə düyü ayırıb

Hindistan etanol istehsalında istifadəsi üçün 5,2 milyon ton düyü ayırıb. Bu addım ehtiyatların həddindən artıq artması və şəkər qamışı tədarükündə azalma fonunda atılıb.

Ölkə 2025/26-cı ilədək etanolun benzindəki payını 20%-ə çatdırmağı planlaşdırır. İyunda bu göstərici 19,8%-ə yaxınlaşıb. Əvvəlki illərdə əsas xammal olan şəkər qamışının payı azalıb və hökumət alternativ olaraq artıq ehtiyatda olan düyünü istifadə etməyə qərar verib.

Hazırda Hindistanın Ərzaq Korporasiyası 59,5 milyon ton düyü ehtiyatına sahibdir. Bu, daxili tələbatı üstələyən yüksək məhsuldarlığın nəticəsidir. Rəsmilər bildirir ki, ixrac imkanları məhduddur, çünki Hindistan artıq qlobal düyü tədarükünün 40%-dən çoxunu təmin edir. Tədarüklərin 2025-ci ildə 22,5 milyon tona çatacağı gözlənilir ki, bu da rəqib ölkələrin ixracına təsir edəcək.

Düyü ixracatçıları və etanol istehsalçıları hesab edir ki, hökumət ya düyü qiymətini azaltsa, ya da etanol üçün alış qiymətini artırsa, istifadə daha da genişlənə bilər. Çünki hazırkı qiymətlərlə etanol istehsalı üçün iqtisadi əsas zəifdir. Artan ehtiyatlar fonunda, hökumətin bu siyasəti davam etdirməsi və daha çox düyünü etanol istehsalına yönəltməsi gözlənilir.

Reuters 

Qəmər Kazımzadə