Hindistan-Pakistan gərginliyi Himalay çəhrayı duzu bazarını çökdürüb

Hindistan və Pakistan arasında gərginlik Himalay çəhrayı duzu biznesini iflic edib.

Kəşmirdə Pahalgamda baş verən və 26 nəfərin ölümü ilə nəticələnən silahlı hücumdan sonra Hindistan Pakistandan və üçüncü ölkələr vasitəsilə gətirilən bütün malların idxalını qadağan edib. Bu qərar uzun illərdir Pakistanın Pəncab əyalətindəki Khewra duz mədənindən çəhrayı duz gətirib Hindistanda satan tacir Vipan Kumarı çətin vəziyyətə salıb. Kumar hər rübdə 2000-2500 ton duz satırdı. O bildirir ki, qadağa biznesi tam dayandırıb və vəziyyətin nə vaxt düzələcəyi bəlli deyil.

Himalay çəhrayı duzu tərkibindəki dəmir və minerallara görə çəhrayı rəngdə olur. Yeməklərdə, dekorativ lampalarda, spa müalicələrində və dini oruclar zamanı istifadə edilir. Dünyada ikinci ən böyük duz mədəni olan Khewra mədənində ildə 360 min ton duz hasil olunur.

Al Jazeera
Qəmər Kazımzadə