Hindistanda döyüş təyyarəsi qəzaya uğrayıb

Hindistanda döyüş təyyarəsinin yaşayış məntəqəsinə düşməsi nəticəsində iki mülki şəxs həlak olub.

İnformator.az xarici mediaya istinadən xəbər verir ki, “MiQ-21” tipli döyüş təyyarəsi ölkənin qərbindəki Racastan əyalətinin Hanumanqarh bölgəsində yaşayış məntəqəsinə düşüb.

Qəzada 2 mülki vətəndaş həyatını itirib, 1 mülki şəxs yaralanıb.

Bildirilib ki, təyyarə adi uçuş zamanı qəzaya uğrayıb və pilot yüngül xəsarət alıb.