Həmas Ben-Qvirin fələstinli məhbuslara işgəncə verməklə öyünməsinə reaksiya verib

HƏMAS bildirib ki, fələstinli məhbusları ən elementar hüquqlarından məhrum etməkdən qürur duyan İsrailin ifrat sağçı Milli Təhlükəsizlik naziri İtamar Ben-Qvirin mövqeyi “İsrailin fələstinlilərə qarşı faşist münasibətini ifşa edir”.

HƏMAS yazılı açıqlamada Ben-Qvirin İsrail həbsxanalarındakı fələstinli məhbusları "terrorçu" kimi göstərməsinə və məhbuslara işgəncə verilməsini və edam edilməsini tələb etməsinə reaksiya verib.

“Ben-Qvirin fələstinli məhbuslara qarşı pis rəftar və işgəncəni ifşa etdiyi və onları edamla hədələdiyi səhnələr işğalçı İsrailin fələstinli məhbuslara qarşı sadist və faşist münasibətini ortaya qoyur”, - deyə bəyanatda bildirilir.

TRT XƏBƏR
Arzu Poladova