İnstagram-a 16 yaş məhdudiyyəti gətirildi!
Amerika texnologiya şirkəti Meta, Instagram platformasındakı “Teen Accounts” (Gənc Hesablar) ilə bağlı yenilikləri paylaşdı. Məsələ ilə bağlı nazir Uraloğlu da açıqlama verdi. Açıqlamada bildirilib ki, 16 yaşdan kiçik istifadəçilər valideyn icazəsi olmadan “canlı yayım” funksiyasından istifadə edə bilməyəcəklər və şəxsi mesajlarda “avtomatik bulanıqlıq” funksiyasını deaktiv edə bilməyəcəklər.
Bundan əlavə, “Teen Accounts” xüsusiyyətinin Facebook və Messenger platformalarına da genişləndiriləcəyi qeyd olunub. Yeniliklərin bir neçə ay ərzində ilk olaraq ABŞ, Böyük Britaniya, Kanada və Avstraliyada sınaqdan keçiriləcəyi də məlumat verilib. Meta şirkətinə məxsus sosial media platforması Instagram, 2024-cü ilin sentyabr ayında uşaqlar və gənclərin platformadan istifadəsini məhdudlaşdıran və təhlükəsizlik tədbirləri nəzərdə tutan “Teen Accounts (Gənc Hesablar)” tətbiqini təqdim edib. Mövzu ilə bağlı Nəqliyyat və İnfrastruktur naziri Abdulkadir Uraloğlu da açıqlama verib. Nazir Uraloğlu sosial media hesabından etdiyi açıqlamada bunları bildirib:
“AK Partiya hökumətləri olaraq, övladlarımızın və gənclərimizin rəqəmsal platformalarda təhlükəsizliyini təmin etmək bizim üçün ən prioritet məsələlərdən biridir. Uzun müddətdir üzərində diqqətlə işlədiyimiz sosial media yaş məhdudiyyəti layihəmizlə paralel olaraq, Meta-nın Instagram platformasında 16 yaşdan aşağı istifadəçilərin valideyn icazəsi olmadan canlı yayım etməsinə qoyduğu qadağanı məmnuniyyətlə qarşılayırıq”.
Bu qərar, Nazirlik olaraq apardığımız əhatəli işlərin beynəlxalq platformalarda da nəzərə alındığını və siyasətimizin qlobal səviyyədə qarşılıq tapdığını göstərməsi baxımından son dərəcə önəmlidir. Valideyn icazəsi olmadan canlı yayımın qarşısının alınması və şübhəli müstehcənlik ehtiva edən görüntülərin avtomatik bulanıqlaşdırılması, onlayn riskləri minimuma endirməyə yönəlmiş çox mühüm addımlardır.
Biz, “Türkiyə Əsri” vizyonu ilə övladlarımızın rəqəmsal aləmdə güclü, azad, amma eyni zamanda təhlükəsiz şəkildə var ola bilmələri üçün bütün imkanlarımızı səfərbər edirik. Milli səviyyədə qoruyucu rəqəmsal siyasətlər hazırlamağa və qlobal texnologiya nəhəngləri ilə əməkdaşlıq içində hərəkət etməyə davam edəcəyik. Bu sahədəki qətiyyətimiz sayəsində yalnız Türkiyədə deyil, dünyada da standartları müəyyən edən bir ölkə olma yolunda əmin addımlarla irəliləyirik.
Mənbə:CNN
Ətirə İbayeva
