İordan çayının qərb sahilində baş verən atışmada yaralı və ölü var

İordan çayının qərb sahilində, Hebron şəhərinin girişindəki hərbi nəzarət-buraxılış məntəqəsində baş verən atışma nəticəsində beş israilli yaralanıb, hücumda şübhəli bilinən iki fələstinli isə İsrail təhlükəsizlik qüvvələri tərəfindən öldürülüb.

İsrail hərbçilərinin bildirdiyinə görə, hücum edənlər böyük miqdarda sursatla daha genişmiqyaslı hücum planlaşdırsalar da, nəzarət-buraxılış məntəqəsinə rast gəldikləri üçün orada atəş açıblar. Yaralanan israillilərdən ikisinin vəziyyəti kritik qiymətləndirilir.
Bu hadisə gərginliyin artdığı, radikal yəhudi məskunlaşanların fələstinliləri hədəf aldığı və İsraildə ümumi seçkilərə dörd gün qaldığı bir dövrə təsadüf edir. Cavab olaraq İsrailin Baş naziri Binyamin Netanyahu İordan çayının qərb sahilinin tam blokadaya alınması üçün hazırlıq əmri verib və öz partiyasının seçki tədbirlərini təxirə salıb. Eyni zamanda İsrail hərbçiləri hücum edənlərin evlərinə reydlərə başlayıb və hadisə yerinə yaxın fələstinli binalarının sökülməsi barədə göstəriş verilib. BMT-nin məlumatına görə, ilin əvvəlindən bəri bölgədə ən azı 96 fələstinli və 4 israilli həyatını itirib.

Səkinə Musayeva

Mənbə:BBC