İordan çayının qərb sahilində ölənlərin sayı 164-ə çatıb

İsrailin işğal etdiyi İordan çayının qərb sahilində daha iki fələstinli həlak olub. Oktyabrın 7-dən bu yana ölənlərin sayı 164-ə yüksəlib.

İnformator.az xəbər verir ki, Fələstin Qızıl Ayparası gecə basqınlarında ən azı 2 nəfərin öldüyünü, 12 nəfərin yaralandığını bildirib.

Oktyabrın 7-dən bəri tezliyi artan basqınlarda ən azı 47 fələstinlinin nəzarətə alındığı bildirilir.

Onların bir çoxu Hebron bölgəsində saxlanılıb.

Səhər saatlarında Cenin qaçqın düşərgəsinin kənarında reydlər keçirilib və orada bəzi toqquşmaların baş verdiyi açıqlanıb.

Oktyabrın 7-dən bəri işğal altındakı İordan çayının qərb sahilində ən azı 164 fələstinli öldürülüb; Onların arasında İsrail həbsxanasında ölən dörd məhbus da var.

2200-dən çox adam saxlanılıb.