İran Məclisi Hörmüz boğazının bağlanmasına razılıq verib

İran Məclisinin Milli Təhlükəsizlik Komissiyasının üzvü Kevsəri bildirib: "Məclis Hörmüz boğazının bağlanmalı olduğu nəticəsinə gəlib. Lakin son qərar Milli Təhlükəsizlik üzrə Ali Şuranın səlahiyyətindədir”.

İran mediasına görə, İran Məclisinin Milli Təhlükəsizlik Komissiyasının üzvü Kevsəri Hörmüz boğazı ilə bağlı açıqlama verib.

Kevsəri bildirib ki, Hörmüz boğazının bağlanması gündəmdədir və nə vaxt lazım olsa, hansı dövrdə ehtiyac duyulsa, bu mütləq həyata keçiriləcək.

O həmçinin qeyd edib ki, Nüvə Silahlarının Yayılmasının Qarşısının Alınması üzrə Müqavilədən (NPT) çıxmaq məsələsi də müzakirə olunur və araşdırılır, lakin bu barədə qərar verilməsi üçün aidiyyəti orqanlar tərəfindən danışıqlar aparılır.

Kevsəri əlavə edib: "Məclis Hörmüz boğazının bağlanmalı olduğu qənaətinə gəldi. Lakin son qərar Milli Təhlükəsizlik üzrə Ali Şuraya aiddir”.

Hörmüz boğazı Bəsrə Körfəzi ilə Umman dənizi arasında bağlantı rolunu oynayır. Bəsrə Körfəzindəki müxtəlif limanlardan yığılan neft, tankerlər vasitəsilə bu su yolu ilə dünya bazarına daşındığı üçün, Hörmüz boğazı böyük strateji və iqtisadi əhəmiyyətə malikdir.

TRT HABER
Solmaz Muradova