İran və Fransa XİN başçıları nüvə proqramı üzrə danışıqların bərpası imkanını müzakirə ediblər

İranın xarici işlər naziri Abbas Əraqçi fransalı həmkarı Jan-Noel Barro ilə görüşüb.

"İnformator.az" xəbər verir ki, bu barədə Fransa Xarici İşlər Nazirliyinin bəyanatında qeyd olunub.

Məlumata əsasən, tərəflər İranda əvvəllər casusluqda ittiham olunan iki Fransa vətəndaşının – Sesil Kuler və Jak Parisin vəziyyətini müzakirə ediblər.

"Fransa öz vətəndaşlarının Tehrandakı səfirlikdən tez bir zamanda geri qaytarılmasını tələb edib", – bəyanatda vurğulanır.

Barro Əraqçi ilə söhbətində Tehranı zəmanət öhdəliklərinə əməl etməyə, Beynəlxalq Atom Enerjisi Agentliyi ilə əməkdaşlığa və İranın nüvə proqramının müzakirəsi üçün danışıqlar masasına qayıtmağa çağırıb.