İranda görünməmiş quraqlığın səbəbi iqlim dəyişikliyi kimi müəyyən edilib

World Weather Attribution (WWA) alimlərinin yeni təhlili göstərir ki, son 5 ildə İran, Suriya və İraqda yaşanan görünməmiş quraqlığın əsas səbəbi iqlim dəyişikliyidir. Araşdırmaya görə, insan fəaliyyətindən qaynaqlanan iqlim dəyişikliyi bölgədə quraqlıq riskini daha sıx və daha şiddətli edib.

Bu quraqlıq İran üçün son onilliklərin ən ağırından biri sayılır. Uzunmüddətli su çatışmazlığı sağlamlıq üçün təhlükə yaradır və fermerlərin gəlirlərinə ciddi təsir göstərir. Təxminən 10 milyon əhalisi olan Tehran su böhranı dərinləşərsə, təxliyə ilə üzləşə bilər. Mütəxəssislər bildirirlər ki, iqlim dəyişikliyi olmasaydı, bu cür ekstremal hadisələr əsr ərzində yalnız bir neçə dəfə baş verəcəkdi, lakin hazırda bölgə üçün adi hala çevrilib.

TRT XƏBƏR 

Ləman Mahmudlu