İranın gizli yeraltı nüvə obyekti

Tehranın cənubundakı dağın içində gizlədilən zənginləşdirmə obyekti İranın nüvə ambisiyaları üçün həyati əhəmiyyət kəsb edir və İsrailin İranın nüvə infrastrukturunu dağıtmaq səylərində mərkəzi rol oynayır.

İsrail İranın hava məkanında üstünlük əldə edib, lakin İngiltərə və Fransanı birləşdirən Kanal Tunelindən daha dərin olduğu düşünülən Fordo nüvə obyekti İsrail silahları üçün əlçatmaz olaraq qalır. Yalnız ABŞ-nin onu məhv edəcək qədər güclü bir bombaya sahib olduğu düşünülür. Belə bir hücum Yaxın Şərqdə müharibəni daha təhlükəli həddə çatdıra bilər.

Obyekt paytaxt Tehrandan təxminən 60 mil cənubda, Qum şəhəri yaxınlığındakı dağlıq ərazidə yerləşir. Fordodakı kompleks əvvəlcə İranın elit İnqilab Keşikçiləri Korpusunda istifadə edilən bir sıra tunellər idi. Lakin İran zənginləşdirmə qurğusunun mövcudluğunu yalnız 2009-cu ildə Qərb kəşfiyyat orqanları bu obyekti üzə çıxardıqdan sonra etiraf edib. Yeraltı qurğunun uranın zənginləşdirilməsi üçün istifadə edilən sentrifuqaların yerləşdiyi iki əsas tuneldən və bir sıra kiçik tunellərdən ibarət olduğu düşünülür.

BBC News
Aysel Mirzəyeva