İrəvan Hindistandan qırıcı alışını dayandırıb

Ermənistan Dubay Beynəlxalq Hava Sərgisində baş verən təyyarə qəzasından sonra Hindistanla 1,2 milyard dollar dəyərində 12 ədəd “Tejas” qırıcı təyyarəsinin alınması ilə bağlı danışıqları dayandırıb.

"İnformator.az" xəbər verir ki, bu barədə “Yerusəlim Post” İrəvandakı mənbəyə istinadən məlumat yayıb.

“Qəzanın görüntüləri bütün proqramın dərhal texniki baxışına səbəb oldu”, - mənbə bildirib.

Qeyd edək ki, “Tejas” qırıcıları 1982-ci ildən bəri inkişaf mərhələsindədir və Hindistan Hərbi Hava Qüvvələrində köhnəlmiş MiQ-21-ləri əvəz etmək üçün nəzərdə tutulub.