İşğalçı İsrail ordusu Qərb sahilində fələstinlilərə təzyiq və hücumlarını davam etdirir

İşğalçı İsrail qüvvələri Qərb sahilində fələstinlilərə qarşı əməliyyatlarını və zorakı hərəkətlərini davam etdirir. Son günlər bölgədə gərginliyin daha da artdığı, bir neçə yaşayış məntəqəsində basqınların həyata keçirildiyi bildirilir.

Fələstin mənbələrinin məlumatına görə, İsrail ordusu gecə saatlarında Qərb sahilinin müxtəlif şəhərlərində, o cümlədən Ramallah və Nablusda reydlər təşkil edib. Əməliyyatlar zamanı bir neçə fələstinlinin saxlanıldığı, evlərə zorla daxil olunduğu və sakinlərin fiziki zorakılığa məruz qaldığı qeyd olunur.

Fələstinlilər İsrail ordusunun bu addımlarını beynəlxalq hüququn pozulması kimi qiymətləndirir və beynəlxalq ictimaiyyəti baş verənlərə səssiz qalmamağa çağırır. Yerli hüquq müdafiəçiləri isə xəbərdarlıq edirlər ki, bu cür hücumlar bölgədə humanitar vəziyyəti daha da ağırlaşdırır. Xatırladaq ki, İsrail ordusu son aylarda Qərb sahilində fələstinlilərə qarşı əməliyyatlarını intensivləşdirib. Hücumlar nəticəsində onlarla mülki vətəndaş həlak olub, yüzlərlə insan yaralanıb və yaşayış məntəqələrinə ciddi ziyan dəyib.

TRT Haber 

Aysun Vəliyeva