İspartada yük maşını ilə motosiklet toqquşub

İspartanın Gelendost rayonunda baş verən yol-nəqliyyat hadisəsi faciə ilə nəticələnib. Hacı Avni Paşa küçəsində yük maşını ilə motosiklet toqquşub.

Hadisə nəticəsində motosikletin sürücüsü, şəxsiyyəti Emin Müminoğlu kimi müəyyən edilən şəxs hadisə yerində həyatını itirib. Motosikletdə sərnişin kimi olan Ruhi A. isə ağır yaralanıb və təcili tibbi yardım əməkdaşları tərəfindən xəstəxanaya aparılıb.

Yük maşınının sürücüsü və nəqliyyat vasitəsinin dövlət nömrə nişanı hələlik müəyyən edilməyib. Hadisə yerinə polis və təcili yardım qrupları cəlb olunub, qəza ilə bağlı araşdırma aparılır.

TRT XƏBƏR 

Ləman Mahmudlu