İsrail davası başlayandan ölən jurnalistlərin sayı açıqlandı

Fələstin-İsrail münaqişəsinin ilk 9 günündə ən azı 12 jurnalist həlak olub, 8-i yaralanıb.

İnformator.az xəbər verir ki, bu barədə Nyu-Yorkda yerləşən Beynəlxalq QHT Jurnalistləri Müdafiə Komitəsi məlumat yayıb.

Ölən 12 nəfərdən 10-u fələstinli, biri isə İsrail vətəndaşıdır.

Oktyabrın 13-də İsrailin Livanın cənubunu atəşə tutması nəticəsində Beyrutda yaşayan bir jurnalist həlak olub, altısı isə yaralanıb.

Daha 2 jurnalist - bir israilli və bir fələstinli hələ də itkin düşüb.

Ölən və yaralanan jurnalistlər İsrail, Fələstin və xarici mediada işləyirdilər.