İsrail "Hizbullah"ın mövqelərini vurub

İsrail Müdafiə Qüvvələri Livanın cənubunda "Hizbullah"ın mövqelərinə zərbələr endirdiyini təsdiqləyib.

"İnformator.az" xəbər verir ki, bu barədə İsrail ordusunun mətbuat xidməti məlumat yayıb.

Məlumata görə, zərbələr atəş və müdafiə vasitələrinin idarə edilməsi məqsədilə istifadə olunan obyektə endirilib.

Bildirilib ki, bu obyektin mövcudluğu və onu bərpa etmək cəhdləri İsrail və Livan arasındakı razılaşmaların açıq şəkildə pozulması deməkdir.